A rúa de San Andrés foi, en tempos, o indiscutible Centro Comercial da Coruña. A aparición de novos hábitos de consumo, a restruturación do espazo urbano coruñés cara aos aneis residenciais exteriores -novos barrios como Rosales e Novomesoiro e concellos limítrofes como Culleredo ou Arteixo- as numerosas incompatibilidades na conciliación da vida laboral, familiar e persoal, a importante presenza de multinacionais da venda e distribución de alimentos e bens, entre outras, son algunhas das razóns que poden explicar a continua decadencia que leva vivindo esta rúa nas últimas dúas décadas.
É por isto que naceu San Andrés 1.0, unha potente intervención artística onde partimos dun soporte atrevido, como eran os seis baixos comerciais en desuso que a Asociación Comercial Zona Obelisco ofertou á nosa Concellaría, e empregamos un grandísimo muro que ocupa tres antigas edificacións xa desaparecidas, todas elas co tradicional ancho dun remo, como índice e guía para o conxunto da exposición.
A valoración actual desta iniciativa non pode ser máis positiva. Varios dos locais involucrados están xa alugados ou en procesos administrativos previos ao seu novo uso. Por primeira vez en anos aumenta o uso comercial desta rúa. A arte, a intervención directa sobre os elementos que conforman a característica definitoria de San Andrés, os baixos comerciais, é o motor sobre o que xira a recuperación deste tipo de espazos en franca competencia desigual coas novas superficies comerciais e os novos usos do tempo dos cidadáns e cidadás.
Deixámosvos aquí uns enlaces procedentes de diferentes medios que continúan a facerse eco desta iniciativa e dos seus excelentes resultados.
Nos próximos días recibiredes cumprida información sobre a continuidade deste tipo de iniciativas noutro entorno urbano comercialmente degradado da nosa cidade, como é a Agra do Orzán.
¡OJALÁ SEA UN PUNTO DE INFLEXIÓN!
ResponderEliminarGracias a iniciativas como ésta, los medios se hacen eco y, con ello, la gente se acuerda que ahí sigue San Andrés. ¡oh, es verdad! ¿te acuerdas de aquella tienda? ¿y aquella otra? ¿seguirán existiendo?
¡SI! con muchas dificultades y apoyo nulo por parte de nuestra gobierno local, responsable último de que la calle quedase en el olvido. El Sr. Alcalde hace oidos sordos. No pedimos mucho, con un lavado de cara nos conformariamos y no sentiríamos ese agravio comparativo con otras zonas más privilegiadas (acaso recoge más votos)