21.12.09

Éxito absoluto de Mercanatura!!!!!

Deixámosvos aquí as fotos e o enlace ao blog da Asociación Veciñal dos Rosales onde poderedes seguir a reportaxe relativa á celebración de Mercanatura. Un grande éxito, tanto de público como de vendas. Para o terceiro sábado de xaneiro cóntase con máis expositores. Alí nos veremos!!!!!

Reportaxe fotográfica completa AQUÍ.


















16.12.09

O barrio dos Rosais acollerá o vindeiro sábado a primeira feira de productos ecolóxicos ‘Mercanatura’



 A INICIATIVA PARTIU DA ASOCIACIÓN DE VECIÑOS DOS ROSAIS E CONTA COA COLABORACIÓN DAS CONCELLARÍAS DE PROMOCIÓN ECONÓMICA E PARTICIPACIÓN CIDADÁ
 TRÁTASE DUNHA INICIATIVA PIONEIRA COA QUE NON SÓ SE BUSCA DINAMIZAR O BARRIO SENÓN TAMÉN APOIA O IMPULSO DA ACTIVIDADE ECONÓMICA DA CIDADE AO TEMPO QUE SUPÓN UNHA APOSTA POLA CALIDADE E O CONSUMO RESPONSABLE

A Coruña, 16 de decembro de 2009.- O vindeiro sábado 19 de decembro o barrio dos Rosais acollerá a primeira edición da feira de productos ecolóxica ‘Mercanatura’, iniciativa coa que se busca non só fomentar o autoconsumo no barrio senón tamén atraer novos clientes procedentes de fora do barrio ou mesmo animar a outros comerciantes e profesionáis a instalarse nesta zona da cidade.
Esta iniciativa naceu da Asociación de Veciños coa finalidade de dinamizar ao barrio de Los Rosales tanto a nivel económico como social e conta coa colaboración e apoio das concellarías de Promoción Económica e Participación Cidadá. Así, o Primeiro Tenente de Alcalde, Henrique Tello e a Concelleira de Participación Cidadá, Margarida Vázquez acompañados polo presidente da asociación de veciños, Fernando Carrillo, presentaron este mercado pioneiro na cidade co que se apostas por unha volta á terra, ao natural, pola calidade sen aditicos, con garantías, das máns do productor ou artesán directamente ao consumidor.




O Primeiro Tenente de Alcalde suliñou a importancia deste tipo de actividades de cara a mellorar a actividade económica non só do barrio senón de toda a cidade ao tempo que se aposta pola calidade de productos e o consumo responsable. Unha iniciativa que o nacionalista Henrique Tello calificou de “absolutamente atinada” tendo en conta ademais as datas nas que se inagurará, o fin de semana anterior ao Nadal.
A Concelleira de Igualdade e Participación Cidadá, Margarida Vázquez, destacou pola súa banda o enclave extraordinario para esta feira como é o barrio dos Rosais e que permitirá impulsar un tipo de agricultura no que se une o entorno rural e o urbano a través duns productos de calidade.
O presidente da asociación veciñal explicou que o Mercanatura nace coa pretensión de ir medrando en cada unha das súas edicións. O arranque será o vindeiro sábado 19 de decembro onde ata 30 productores ofreceran os seus productos.
Este mercado celebrarase todos os terceiros sábados de cada mes en horario será de 10.00 a 15.00 horas poidendo ampliar ata ás 21.00 horas en verán e ocasións especiais. Os postos estarán situados na rúa Alcalde Suárez Ferrín baixo os soportais para protexer da choiva.
Poderán participar postos que representen a gastronomía da nosa terra, mesmo postos de degustación como pulpeiras, asadores... ademais o mercado contará tamén con artesanía e tamén según comentou o presidente veciñal está aberta a productos textis sempre que se produzan de feito natural e empreguen materiais naturais como lino ou algodón.




Durante a xornadas de celebración da feira o barrio contará con diversas actividades paralelas con representacións na rúa, malabares, talleres infantis e para adultos, concertos, charlas, convefrencias. Ademais, os establecementos hosteleiros da zona ofrecerán tapas elaboradas con productos de tempada e ecolóxicos para apoiar a celebración desta feira.




15.12.09

Inaúgurase o Banco do Tempo da Coruña impulsado pola Concellaría de Igualdade e Participación Cidadá



INFO INSCRICIÓN: 981 184 356

• O OBXECTIVO É PROMOVER INTERCAMBIOS DE TEMPO E/OU COÑECEMENTOS ENTRE PERSOAS MAIORES DE IDADE SEN QUE MEDIE DIÑEIRO ALGÚN NESTES INTERCAMBIOS
• ENTRE AS TAREFAS QUE SE PODERÍAN INCLUIR NOS INTERCAMBIOS ESTÁN POR EXEMPLO ACOMPAÑAR AOS NENOS/AS AO COLEXIO, LER CONTOS OU XOGAR CON MENORES, PASAR TRABALLOS A ORDENADOR, AXUDAR A FACER DEBERES, ACOMPAÑAR PERSOAS MAIORES AO MÉDICO...
• A CONCELLEIRA DO BNG E RESPONSABLE DO ÁREA, MARGARIDA VÁZQUEZ, SULIÑOU A IMPORTANCIA DE CONTAR COA MAIOR PARTICIPACIÓN CIDADÁ POSIBLE PARA ACADAR CON ÉXITO OS OBXECTIVOS MARCADOS


A Coruña, 15 de decembro de 2009.- A Concelleira de Igualdade e Participación Cidadá, Margarida Vázquez, presentou esta mañá o inicio do Banco do Tempo do Concello da Coruña incluido dentro do programa ‘Concilia os teus tempos’ e que contempla esta iniciativa como unha das medidas fundamentais para promover a harmonización dos tempos.
A nivel galego, a Lei da Igualdade no Traballo das Mulleres de Galicia, recolle os Bancos de Tempo coma unha estratexia vencellada coas medidas de planificación do tempo que facilitan unha organización do mesmo máis igualitaria para toda a poboación.
O Banco do Tempo da Coruña ten como obxectivo promover intercambios de tempo e/ou coñecementos entre persoas maiores de idade sen que medie diñeiro algún nestes intercambios.


O intercambio está dirixido principalmente a ofrecer e demandar servizos para resolver necesidades puntuais da vida diaria. Tales prestacións non deberán nunca ser configuradas nin asimiladas a relacións de traballo autónomo ou susceptíbeis de contratación laboral.
A unidade de intercambio é a hora, sexa cal sexa o servizo que se demanda ou se ofrece. O ámbito territorial de actuación do Banco do Tempo será a cidade da Coruña. Cada persoa adscrita será titular dunha conta corrente de tempo e disporá dun talonario persoal con cheques que deberá entregar ás persoas que lle teñan proporcionado un determinado servizo.


As persoas adscritas ao Banco do Tempo ofrecerán un determinado número de horas para realizar os servizos que desexen ofertar e deberán demandar un número de horas similar para recibir servizos ofertados por outras persoas.
Algúns exemplos de intercambios poderían ser:
• Acompañar a nenos e nenas ao colexio, ou a outras actividades.
• Ler contos ou xogar con menores.
• Acompañar a persoas maiores ao médico
• Pasar traballos a ordenador.
• Axudar a facer deberes.
• Facer a compra a persoas maiores ou doentes.
• Axudar a preparación e xestión de trámites burocráticos.
• Realizar pequenas tarefas domésticas.


• Coidar animais ou plantas.
• Facer pequenas reparacións.
• Facer unha consulta profesional.
• Pasear, acompañar ao cine, ao teatro.

Tal e como sinalou a concelleira nacionalista para acadar con éxito os obxectivos do Banco do tempo, é preciso contar coa maior participación cidadá posible, o que require promover a confianza e o coñecemento entre as persoas potencialmente usuarias, así como proporconar información clara e precisa sobre este recurso.


Nesta liña, o Concellaría de Igualdade e Participación Cidadá está a desenvolver unha campaña de difusión na que establecense contactos con axentes sociais e culturais da cidade así como a planificación para o desenvolvemento de varios obradoiros informativo-formativos referidos a este recurso.

Os obxectivos que se persiguen coa posta en marcha destes talleres son proporcionar información clara e precisa aos axentes e persoas interesadas sobre a posta en marcha e o funcionamento do Banco do Tempo da cidade da Coruña, e ademais incentivar a creación un grupo inicial de persoas usuarias do Banco do Tempo.

Os obradoiros estarán dirixidos a calquer persoa interesada en formar parte do Banco do Tempo e desenvolveranse ao longo dos meses de xaneiro e febreiro do exercicio 2010, na rede de Centros Cívicos da cidade e nalgunha entidade social interesada en informar e formas aos/ás socios/as ademais de na Universidade.

Esta presentación contou coa presenza da Técnica do Concello da Coruña responsable do programa Chus Gutiérrez e unha intervención-mostra por parte de Manicómicos.

23.11.09

Participa no Acto Cívico do mércores 25 e trae un par de zapatos en recordo das vítimas!!!!!!


• MARGARIDA VÁZQUEZ PRESENTOU ESTA MAÑÁ O ACTO CENTRAL DO DÍA 25 NO O QUE CONVIDOU A TODA A CIDADANÍA A PARTICIPAR LEVANDO UN PAR DE ZAPATOS EN SINAL DE LEMBRANZA ÁS MULLERES ASASINADAS POLA VIOLENCIA DE XÉNERO

A Coruña, 23 de novembro de 2009.- O vindeiro mércores, 25 de novembro Día Internacional da Violencia de Xénero, a Concellaría de Igualdade e Participación Cidadá que dirixe Margarida Vázquez realizará un acto cívico baixo o nome ‘Unha víctima, uns zapatos’ co que buscase visualizar o rexeitamento da sociedade contra este tipo de violencia e sensibilizar sobre a importancia de apoiar as víctimas desde todos os sectores.

A Concelleira de Igualdade e Participación Cidadá, Margarida Vázquez, animou deste xeito a participar a toda a cidadanía levando un par de zapatos que se colocarán no Obelisco o mércores ás 20.00 horas arredor dunha silueta dunha muller na que se poderá ler a mensaxe: “Esixo vivir sen violencia de xénero”. No mesmo acto lerase ademais o manifesto contra a violencia de xénero por parte da recoñecida e apreciada xornalista Isabel Bravo.

Desde o vindeiro mércores e ata o once de decembro instaláranse desde a praza de María Pita ata o Obelisco unha serie de siluetas (de muller, home, nenos e nenas) nas que se poderán ler distintas mensaxes como “exiso vivir sen violencia de xénero” , “son másculino pero non machista” ou “quero vivir segura e feliz”.



Estudio-diagnóstico ‘I Itinerario integral para a prevención da violencia de xénero na mocidade’

A Concelleira de Igualdade anunciou tamén a presentación o vindeiro 2 de decembro do estudio-diagnóstico realizado pola Concellaría no que se establecerá un itinerario integral para a prevención da violencia de xénero na mocidade.

A Concelleira destacou a importancia deste estudio xa que datos oficiais a nivel nacional revelan que máis do 50 por cento das víctimas da violencia machista son menores de 50 anos o que amosa que este tipo de comportamentos continúan existir na xente máis nova. De ahí a importancia de establecer unha actuación integral na que as distintos organismos involucrados como pode ser a Concellaría de Igualdade, o Centro de Información Xuvenil, os centros educativos e o Centro de orientación familiar traballen de xeito coordinado.

Este estudio realizado entre o alumnado de 3º e 4º da ESO e bacharelato, centros escolares e representantes dos país e nais de alumnos rematará coa elaboración dunha guía de orientación con contidos para traballar nas aulas e unha serie de pautas ao profesorado coa que comezarán a traballar a partir do vindeiro ano.

13.11.09

Comunicado da Asociación de afectad@s de Coté

A Asociación de persoas afectadas polas prácticas ilegais do suposto médico Coté enviounos este comunicado insistindo na súa divulgación. Para máis información sobre as motivacións e actividades desta Asociación, podedes consultar no seu blog: Radiografía de una Pesadilla.

"Mientras muchas de las víctimas no nos podemos pagar médicos, clínicas, tratamientos, fisioterapeutas o intervenciones quirúrgicas, que bien sabe Dios la mucha falta que nos hacen, porque el desaprensivo del Coté se encargó de vaciarnos los bolsillos y dejarnos en muchos casos con créditos que aún estamos pagando, la JUSTICIA ha decidido "graciosamente" concederle un aumento de sueldo a su mujer (por cierto también imputada) a costa del dinero embargado y afecto a las posibles indemnizaciones por sus fechorías, es decir a algo potencialmente nuestro y de los demás demandantes presentes en la causa.
Tanta generosidad no deja de sorprendernos cuando esta persona vive en un pisazo digno de una glamourosa estrella del papel couché, se desplaza en un cochazo de los de anuncio televisivo y tiene a sus hijas en colegio privado (amén de los establecimientos donde se la ha visto realizar sus compras que precisamente no son del "todo a cien").
Es decir a esta "presunta" que percibía 1.000 € al mes por ella y sus hijas, le han "transferido" desde finales del mes pasado otros 1.000 € más que anteriormente percibía la difunta madre de Coté (también imputada en su día y que falleció el pasado mes de agosto), y ello porque tiene que hacer frente a los gastos de una familia y ella no tiene trabajo. Vaya por Dios, haberlo pensado antes de delinquir!!!!! Miren ustedes, muchos españolitos que no han delinquido ni son "presuntos" ni tienen el dinero ni bienes embargados por ESTAFAR,LESIONAR, BLANQUEAR...ETC. de modo REITERADO, se encuentran ahora en el paro, apenas si tienen para vivir y deben recurrir a ayudas sociales, a la familia, a subsidios, etc. y sobre todo a apretarse el cinturón.
Y no, no me da pena la familia del "presunto", me dan pena mis compañeros y sus familias que sufren, me dan pena los españoles honrados que no llegan a fin de mes y que cuando lean esto y vean como "paga" la justicia a los delincuentes (presuntos...ja) pues va a cabrearse más bien mucho y pensar que sale a cuenta delinquir, pero eso sí a lo grande como Coté que si te pillan robando para comer te enchironan y ni un chavo para la familia.
Pero ¿qué es esto?, si esta "señora" tiene problemas para llegar a fin de mes que se busque la vida como nos la tenemos que buscar los demás después de que su marido nos dejara con una mano delante y otra detrás.
¿Por qué es la Justicia tan misericordiosa con el delincuente y no con la víctima?. Ya está bien, no arrastren nuestra dignidad por los suelos que no nos lo merecemos".

Saúdos desde aquí e agardamos que o voso pesadelo chegue ao seu fin.


12.11.09

Mirada en construción




“Mirada en construción”


A fotografía documental baséase no seu compromiso coa realidade.

As autoras “tomaron” as cámaras de uso masivo como ferramenta de expresión para falaren a través delas e daren a coñecer unha mirada xenuina sobre os seus espazos cotiáns.

Universalmente, o ser inmigrante implica un constante ir e vir, un eu que se fabrica dentro dun marco de novas experiencias, prexuízos alleos e propios e ás veces coa sensación de non pertencer a ningún lugar.

Os traballos aquí presentados reconstrúense día a día como unha mostra da autenticidade ante os mitos e os tópicos mediáticos.

A luz e a realidade ao servizo da reflexión, un bo comezo para a comprensión desde a intelixencia.


Outras maneiras de ser home

Información e inscrición no teléfono 981 184 356

6.11.09

Campaña informativa sobre a ampliación das Zonas de Especial Protección



A Concellaría de Igualdade e Participación Cidadá comeza hoxe unha campaña informativa nas prazas de Santa Catalina, Cormelana e Africano, incluíndo os seus arredores, para explicar, principalmente á mocidade que alí se reúne, os efectos e motivacións da declaración destas áreas como ZEP ( Zonas de Especial Protección ), ao abeiro da Ordenanza de convivencia e ocio nos espazos públicos da cidade da Coruña.

Despois de que a Concelleira de Medio Ambiente, Nieves Vázquez, dese conta dos factores conxuntos que concorren nestes espazos da nosa cidade para xustificar esta declaración, Margarida Vázquez Veras pasou a expresar a opinión e as medidas complementarias da súa área de Participación Cidadá, tal e como acontecera hai aproximadamente ano e medio, cando entrara en vigor dita Ordenanza, acompañada da declaración e aprobación en Xunta de Goberno das primeiras ZEP.

Reproducimos a continuación as palabras de Margarida peronunciadas na rolda de prensa onde se daba conta desta decisión encamiñada a PROTEXER eses espazos públicos e evitar, na medida do posible, usos excluíntes dos mesmos.

Evidentemente, agardamos que o CIVISMO impere e se poida conxeniar o dereito ao descanso e a vivir nun contorno saudable das veciñas e veciños co dereito ao lecer daquelas persoas que así o desexen.




INTERVENCIÓN DE MARGARIDA VÁZQUEZ

"Hai case un ano e medio que entrou en vigor a Ordenanza de Convivencia e ocio no espazo público da cidade da Coruña. Tratábase de conxeniar o dereito das e dos veciños ao descanso-ou ao goce de espazos públicos sanitaria e medioambientalmente dignos-co dereito de todas e todos os veciños ao aproveitamento lúdico deses mesmos espazos.

Para poder garantir a concorrencia destes dereitos, a ordenanza contemplaba, e contempla, a posibilidade de declarar as denominadas Zonas de Especial Protección, de carácter totalmente EXCEPCIONAL, xa que para a súa declaración era preciso que concorresen, á súa vez, determinadas circustancias como as que xa comentou a concelleira de Medio Ambiente.

Naquelas datas, efectivamente, esta declaración circunscribiuse ás Prazas do Humor e Azcárraga, considerando, desde a nosa Concellería de Igualdade e Participación Cidadá, que a mellor achega que podíamos poñer a disposición dos VALORES CÍVICOS que nos guían e defendemos e da sociedade coruñesa, tanto da que ten dereito ao descanso como da que o ten ao lecer, era a realización dunha campaña informativa in situ e nas horas en que se desenvolvía o conflito, sobre as consecuencias da aplicación desta denominación, o por qué da súa declaración e as alternativas que esta mesma ordenanza nos fornece: efectivamente, poderemos desfrutar dos espazos públicos tanto en canto non se altere a normal convivencia cidadá. Dito en roman paladino: tanto en canto non se moleste a outras veciñas e veciños que, como no caso que hoxe nos ocupa, vían lesionados dereitos tan básicos como o dereito ao descanso ou a vivir e convivir nun contorno saudable.

A única motivación desta declaración non é, como algúns pretenden, a da PROHIBICIÓN, se non a da PROTECCIÓN de zonas da cidade que, reiteradamente, vivían e padecían uns usos excluíntes acompañados, en ocasións, e isto é moi de lamentar, de actos vandálicos que atentan contra os bens de todos: os espazos públicos da nosa cidade.

Continuaremos cun modelo que xa deu os seus froitos coincidindo coas anteriores declaracións de Zonas de Especial Protección, que é a difusión das implicacións que ten esta declaración mediante unha parella de monitores que. á súa vez, recollerán as inquietudes ou propostas das persoas coas que traten este primeiro fin de semana de entrada en vigor desta declaración".


PLANO DAS NOVAS ZEP


14.10.09

O Primeiro Tenente de Alcalde e a Concellaría de Igualdade abriron esta mañá a Mesa de Concertación do Plan de Programación do Tempo da Coruña



• ESTE ACTO É UNHA PRIMEIRA TOMA DE CONTACTO CO OBXECTO DE INICIAR UN PROCESO QUE CONDUZA Á IDENTIFICACIÓN DE NECESIDADES E DEMANDAS SOBRE OS USOS DO TEMPO E CONCILIACIÓN DE MULLERES E HOMES QUE SE TERÁN EN CONTA NO FUTURO PLAN DE PROGRAMACIÓN DO TEMPO DA CIDADE

• COA POSTA EN MARCHA DESTE PLAN A CORUÑA PASARÁ A FORMAR PARTE DAS CIDADES EUROPEAS Á VANGARDA EN CANTO Á SÚA PLANIFICACIÓN HORARIA

A Coruña, 14 de outubro de 2009.- O Primeiro Tenente de Alcalde, Henrique Tello, e a Concelleira de Igualdade e Participación Cidadá, Margarida Vázquez, abriron esta mañá a Mesa de Concertación do Plan de Programación de tempo na que participarán diferentes entidades, empresas e asociacións da cidade.

Este acto supón unha primeira toma de contacto co obxecto de iniciar un proceso que conduza á identificación de necesiades e demandas sobre usos do tempo e conciliación que se terán en conta no futuro Plan de Programación do Tempo da Cidade.

É de sinalar a importancia que a este tema lle adican cidades como Barcelona, Milan ou Lyon, que contan de feito con departamentos municipais adicados exclusivamente aos usos do tempo nas súas cidades, polo que A Coruña pasará, pois, a formar parte das cidades europeas á vangarda en canto á súa planificación horaria.

A Concellaría de Igualdade, en síntonía co que están a facer noutros concellos, vai emprender un estudo cuxo obxectivo é coñecer as necesidades de mulleres e homes realtivas aos usos do tempo na cidade (desaxustes nos horarios dos centros educativos e dos traballos, funcionamento dos medios de transporte público, necesidades de flexibilidade horaria/laboral de conciliación, dotación e servizos públicos,etc.).

Trala constitución da Mesa de Concertación do Plan de Programación de Tempo da cidade realizaranse tres mesas sectoriais que terán lugar dende o 19 ata o 21 de outubro nas que están convidadas a participar diferentes entidades, empresas e asociacións do municipio da coruña dos distintos sectores.

O obxecto destas mesas sectoriais é identificar necesidades e demandas sobre os usos do tempo e conciliación de mulleres e homes nos diferentes sectores de actividade e que logo se terán en conta no Plan de Programación do Tempo da Cidade. As mesas estarán presididas pola Concelleira de Igualdade e coordinadas por unha consultora especializada en materia de igualdade.
PROGRAMA ‘CONCILIA OS TEUS TEMPOS’




A Concellaría de Igualdade e Participación Cidadá ten iniciado no ano 2008 un innovador programa, cofinanciaddo pola Consellería de Traballo e Benestar da Xunta de Galicia, denominado ‘Concilia os teus tempos’, que se enmarca nas medidas de conciliación municipais de promoción autonómica establecidas na Lei 2/2007, do 28 de marzo, do traballo en igualdade das mulleres en Galicia, e sinaladamente no Decreto 182/2008, do 31 de xullo, polo que se establece a promoción autonómica das medidas municipais de conciliación.

O programa abarca tres fases. A primeira foi a realización dunha diagnose base que analizou entre outros aspectos, as características da poboación, dotacións e servizos de apoio á conciliación na cidade, os principais horarios, os medios de transporte, a oferta de actividades deportivas, de lecer, culturais, etc. En decembro de 2008 celebrouse unha ‘Xornada técnica de programación do tempo na cidade’ dirixida aos axentes socioeconómicos, á cidadanía en xeral, empregados públicos locais e axentes dos bancos de tempo.

A segunda fase inclúe unha diagnose aplicada na que se enmarca a Mesa de concertacióndo Plan de Programación do tempo na cidade. Inclúe tamén a elaboración do Plan de Programación do tempo na cidade no que se establecerán as medidas a levar a cabo para a harmonización dos horarios e usos do tempo na cidade, tendo en conta as conclusións e acordos das Mesas de concertación.
Por último, esta segunda fase contará tamén cunha presentación pública das conclusións e acordos das Mesas e do Plan. Unha terceira fase estará adicada a posta en marcha do Plan de Programación do Tempo na cidade, seguimento e avaliación.


1.10.09

Presentación do programa de arte+parte=2




Programación arte+parte=2


Venres 30 de outubro

22:00-01:00 Proposta musical con Franc3s e Fangoria




Sábado 31 de outubro

Sala de Proxeccións:
16:30 Plan Rosebud 1: A escena do crime de Maria Ruído
18:00 Debate
18:45 Irene, a porteira de Óscar Losada
19:10 Debate
19:45 Proxecto Malawi de “Liló Producións”
20:30 Debate

Hall central

17:00-21:30 Inicio actividades e stands expositivos.
17:00-21:00 FOTOGRAFÍA : Proposta fotográfica para o público do Festival con Pequena Suricata+Exposición: Cambio de Roles
17:00-21:00 EXPOSICION DE PINTURA “Ciencia Ex-Aequo”, de Margarita Cimadevila. Presencia da autora.
17:00-21:00 AREA DE DESCANSO desenvolvida por: Ana Gallego. Arquitecta
18:00-19:30 Taller de comic a cargo de Emma Ríos
19:00-19:30 Representación Danza-Teatro Asociación Intramuros: Mozas 10 Espectáculo “Camiñando”. Coordinadora: Carlota Pérez
19:30-21:30 Obradoiro de graffitti: a artista NADA (Iria Fafián Alonso) realizará en directo unha obra e, ao mesmo tempo, desenvolverá un obradoiro onde o público asistente poderá, á súa vez, realizar outra obra-mural. Na zona de exposicións tamén poderá contemplarse a obra publicitaria do Festival que Nada realizará durante a rolda de prensa do día 30 de setembro.
19:30-21:00 Mesa redonda de encontro de artistas co público: Nesa Mesa, moderada por Anxela Caramés, coñeceremos de primeira man a experiencia artística de Ana Gallego, Margarita Cimadevila, Pilar Mingote, Lucía Roche e Luciana Touceda.
21:45-01:30 Proposta musical con Sevigny, Silvia Penide e Anni B. Sweet


21.9.09

Trocando peles......


Dende a Ong Acsur-Galiza estase a poñer en marcha o proxecto "TROCANDO PELES". Este é un proxecto que ten por obxecto contribuír á emancipación da poboación inmigrante e sensibilizar a alumnado e profesorado galego sobre dereitos humáns, cidadanía e interculturalidade.

O proxecto está baseado na metodoloxía do Teatro do Oprimido de Agosto Boal e que constitúe a base do teatro social actual. Esta metodoloxía permite crear un espazo de traballo no que as persoas migrantes darán forma ós conflictos que viven coa sociedade galega e partir deste material construir unha obra de Teatro Forum.

Para isto, convocamos a todas as persoas inmigrantes interesadas, así como a profesionais do eido social, educativo, cultural, e persoas interesadas no teatro en xeral a participar desta experiencia.

Organizarase un obradoiro de Teatro do Oprimido, aberto a todo o público interesado e gratuíto, que proporcionará ás persoas participantes o coñecemento básico desta metodoloxía teatral.

Existen dúas posibilidades a elexir entre as dúas datas previstas:

- Primer obradoiro: 2,3 e 4 de octubro. (Inscripción ata 25 de septembro)

- Segundo obradoiro: 16,17,18 de octubro (Inscripción ata 9 de octubro)

Nunha segunda fase, as persoas que teñan interés e que realizaron o obradoiro, poderán participar na producción dunha obra de Teatro Forum.
Esta obra estaría destinada á sensibilización social e sería representada a partir de febreiro de 2010.

Gustarianos contar coa vosa participación e colaboración para difundir esta convocatoria

Gracias e esperamos as vosas respostas.
Para información e inscripcións: 981717122 ou 637776211



27.8.09

A Concellaría de Igualdade e Participación Cidadá realizou un total de 92 obradoiros en centros escolares nos que participaron 1.800 rapaces e rapazas



• NESTE NOVO CURSO A CONCELLARÍA AMPLÍA A OFERTA CUN OBRADOIRO SOBRE FEMINISMO E IGUALDADE DE TRATO E OPORTUNIDADES E UNHA ACTIVIDADE DE EXPO-FORUM

A Coruña, 26 de agosto de 2009.- Un total de 1.792 rapaces e rapazas de 23 centro educativos da cidade participaron durante o pasado curso escolar nos 92 obradoiros realizados dentro do Programa educativo de Igualdade impulsado pola Concellaría de Igualdade e Participación Cidadá que dirixe Margarida Vázquez enmarcado dentro do programa municipal ‘Aprende en Coruña’.

Os obradoiros que se realizaron durante o pasado curso foron os seguintes:

- Educación para Igualdade e a Convivencia: ‘Diferentes pero iguais’- traballarase na adquisición de valores e actitudes conducentes á igualdade de trato e oportunidades entre as nenas e os nenos.

- Educación para a igualdade de Xénero na preadolescencia: ‘Catro dones para a igualdade’: o obxectivo xeral céntrase en promover valores e actitudes igualitarios e non discriminatorios por razón de sexo/xénro que contribúan a sentar as bases dunha convivencia en igualdade.
- Sensibilización para a prevención da violencia de xénero: ‘Somos dous, eu tamén conto’- a finalidade é facilitar a toma de conciencia dos/as adolescentes respecto dunha problemática social como é a violencia de xénero.

- Educación afectivo-emocional e sexual: ‘tantas cores como afectos’- trátase de habilitar un espazo onde poder abordar con liberdade e nun clima de confianza aspectos vencellados á afectividade e á sexualidade, aportando información e promovendo actitudes preventivas e saudábeis desde unha perspectiva de xénero.

Outra das actividades incluidas neste programa era a exposición intinerante ‘Desenfocadas: imaxe feminina nas revistas dirixidas ás rapazas novas’ que o longo do ano visitou os centros IES Rafael Dieste, IES Rafael Puga Ramón (cunha visita guiada na que participaron 68 mozos e mozas) e o IES Monelos ademáis do centro Cívico Labañou e o Centro Xuvenil Abeiro.
A oferta de obradoiros e actividades amplíase para o curso 2009-10

De cara o próximo curso escolar que está a piques de comezar a Concellaría de Igualdade ofertará novamente estes obradoiros e para elo abrirá o próximo 15 de setembro o prazo de inscripción ata o 15 de outubro.

A oferta deste ano suma aos obradoiros ofertados o ano pasado, un máis dirixido a alumnos e alumnas de bacharelato e que baixo o nome ‘Feminismo e Igualdade de trato e oportunidades: realmente xa somos iguais?’ busca visibilizar o papel das mulleres na historia, facendo especial fincapé, e de xeito transversal ao longo de todo o obradoiro, no papel das mulleres galegas.

No obradoiro contextualizarase o xurdimento e evolución dos movementos feminiastas rompendo os mitos e concepcións negativas sobre a natureza, obxectivos e logros. Tratarase de visibilizar as dobles e triples opresións que sofren as mulleres cando se analiza o cruce de xénero coa clase social, a procedencia ou nacionalidade así como os xeitos específicos destas opresións polo feito de ser mulleres.

Así, nun contexto de igualdade formal, buscarase que os/as participantes agudicen a ollada crítica para identificar os xeitos que seguen vixentes respecto á discriminación feminina e as novas formas que adopta o machismo e o patriarcado nas sociedades occidentais.
Este ano o programa contará novamente coa exposición itinerante ‘Desenfocadas: imaxe feminina nas revistas dirixidas a rapazas novas’ a que se suma a actividade de Expo-forum sobre o traballo visíbel das coruñesas dos séculos XVIII á primeira metade do XX gracias a dixitalización da documentación do Arquivo Municipal.

3.7.09

Igualdad Coruña, a nosa porta de entrada ao mundo hispano-falante.


Por sorte, son cada vez máis as persoas non galegas ou galegas castelán-falantes interesadas nas políticas de Igualdade e Participación Cidadá que se están a desenvolver no noso Concello.

Últimamente mantivemos contactos con entidades e institucións de León, Barakaldo, Córdoba ou Valencia. Moi especialmente en todo o que se refire aos Canguros Municipais, mais tamén en canto ás políticas de participación. Concretamente, o Programa ADA para a integración das mulleres inmigradas extracomunitarias, do que vos falaremos pronto.

É por isto que, desde a nosa Concellaría, decidimos poñer en marcha un portal único que integrase diferentes post, escollidos entre os dos nosos blogs de Igualdade e Participación Cidadá, traducidos ao español, como un recurso máis para a promoción e extensión das políticas que levamos a cabo desde o noso Departamento.

Na columna superior dereita podedes atopar o enlace a un tradutor web galego-español moi atinado ( non sempre é así ), pero para as persoas ás que lles poida resultar complicado o seu uso, xa que a función de tradución web aparece ao final da páxina, decidimos poñer en marcha esta Igualdad Coruña que esperamos sexa do voso agrado e utilidade.


1.7.09

Vídeo da noite de San Xoán na Coruña

A empresa EnImaxes enviounos este espectacular vídeo gravado na noite de San Xoán en Riazor, Orzán e Paseo Marítimo. Unha auténtica crónica do que foi esa tarde-noite e do grao de implicación de toda a cidadanía nesta celebración. Moitas grazas a EnImaxes.

ATENCIÓN: PARA VER ESTE VÍDEO PODE SER NECESARIO ELIMINAR A FUNCIÓN "HD ON" PICANDO NA PARTE SUPERIOR DEREITA DA PANTALLA DO VÍDEO E DEIXÁNDOA EN "HD OFF". ISTO DEPENDERÁ DA VOSA TARXETA GRÁFICA.

30.6.09

Nova web do Grupo Municipal do BNG.


O grupo municipal do BNG dispón dunha nova ferramenta para a comunicación, transmisión e recepción de información. Trátase da nova web, á que vos recomendamos que vos acheguedes. Dispoñedes de todos os enlaces a continuación, pero poderedes atopalos sempre na columna da vosa dereita, na sección de Enlaces de Interese. Agardamos os vosos comentarios.



22.6.09

O Concello anima aos coruñeses a que a celebración das Fogueiras de San Xoan 09 sexa a máis limpa e cívica


COLOCARÁNSE 10 CONTENEDORES E DEZ MONITORES REPARTIRÁN 30.000 BOLSAS DE BASURA PARA MANTER LIMPAS AS PRAIAS.

ATA O MOMENTO SOLICITOUSE PERMISO PARA A REALIZACIÓN DE 250 FOGUEIRAS

 ARREDOR DUN CENTENAR DE EFETIVOS VELARÁN POLA SEGURIDADE DOS MILES DE PERSOAS QUE ASISTIRÁN AS FOGUEIRAS.

A Coruña, 19 de xuño de 2009.- O Concello quere contar este ano coa colaboración de todos os participantes nas fogueiras de San Xoan para que a festa do verán 2009 sexa un exemplo de civismo e de participación que serva para amosar que o espazo público pode ser empregado para actos diversos sen producir perxuizos ao resto de usuarios. Para elo, colocaránse dez contenedores de gran capacidade e repartiránse 30.000 bolsas de lixo para tentar de facilitar o traballo aos equipos de limpeza que comezarán a borrar os restos da festa a primeiras horas da mañán.
Os dez contenedores, de gran capacidade, instalaranse preto das entradas e saídas das praias e debidamente señalizados con grandes banderolas que serán visibles dende calqueira punto dos arenais.
Ademais, para facilitar a colaboración cidadá na limpeza de praias, e para incentivar unha conducta cívica que permita que tras á festa poda ser empregada debidamente polos bañistas, repartiranse 30.000 bolsas de lixo entre os visitantes á praia.
Esta iniciativa conta coa colaboración da concellaría de Igualdade e Participación Cidadá que aportará dez monitores identificados cunha camiseta co lema de civismo e unhas gorras azuis marino coa C e a vírgula que farán o reparto dende as 18.00 horas ata as 6.00 da madrugada. Tamén colocarán bolsas nas entradas das praias onde ubicarase o persoal de seguridade para poder ser recollidas polos usuarios á entrada e deposita los residuos no contenedor á saída.
En calqueira caso, os cidadáns poderán reempregar calqueira bolsa que traigan da casa e votalas no contenedor. Como todos os anos, quitaranse todos os elementos de recollida de residuos ubicados habitualmente nos arenais para evitar perigos de incendio.
Un servizo especial de vixiancia de 40 persoas controlará o acceso ás praias do Orzán e Riazor có fin de facer cumprir as normas e recomendacións.

16.6.09

Éxito de participación na I Xornada do Deporte Feminino na Rúa celebrada o domingo nos Xardíns de Méndez Núñez!!!!!!


A Coruña, 14 de xuño de 2009- Os Xardíns de Méndez Núñez acolleron durante toda a mañá do domingo a celebración da I Xornada do Deporte Feminino na Rúa, impulsada polas concellarías de Igualdade e Participación Cidadá, que dirixe Margarida Vázquez, e Deportes, dirixida por Xan Caxigal, en colaboración con MUDEGA ( Mulleres Deportistas Galegas ).

Unha xornada que contou cunha participación multitudinaria tanto de participantes como de espectadores que puideron desfrutar de exhibicións e encontros deportivos dunha grande variedade de disciplinas deportivas como judo, taekwondo, baloncesto, balonmán, voleibol, fútbol-sala, duatlón, boxeo, rubgy...

As distitntas exhibicións deportivas correron a cargo de mulleres deportistas galegas de clubes como como Calasancias, Zalaeta, Marineda, Orzán, Amarelle, Rugby da UdC, Balonmán Coruña ou Breogán, así como as diferentes federacións galegas de judo, Taekwondo, Triatlón e Pentatlón, Boxeo e Halterofilia e contaron con participacións destacadas como da ciclista Eva Castro.

Todas estas disciplinas contaban co seu espazo propio de exhibición, ao dividir os organizadores a explanada dos Xardíns en seis zonas de actividade, entre as que se encontra a Zona 5: unha Xaima pensada para disfrutar dunha exposición fotográfica titulada “Deportistas Coruñesas” e de varios vídeos sobre deporte feminino.

Durante esta primeira xornada de deporte Feminino entregouse ademais os primeiros cinco trofeos “Pioneiras do Deporte Coruñés” que foron entregados por O alcalde, Javier Losada, o Primeiro Tenente de Alcalde, Henrique Tello, a Concelleira de Igualdade e Participación Cidadá, Maragrida Vázquez Veras, o Concelleiro de Deportes Xan Martínez Caxigal, xunto das representantes da xunta directiva de MUDEGA.

As galardonadas foro: Ángela Rodríguez Piñón (Baloncesto); Mari Carmen Rubio (Hockei Herba e Sala); Lis Franco (Fútbol e Fútbol Sala); Ángeles Barreiro (Atletismo-Lanzadora); e María Vieites (Balonmán).

Esta I Xornada de Deporte Feminino serviu tamén para apoiar a candidatura da Torre de Hércules a patrimonio da humanidade con reparto de camisetas co lema ‘Eu apoio’ ademais de camisetas conmemorativas do acontecemento coas que se agasallou a todos os participantes.


Trofeos “Pioneiras do Deporte Coruñés”

· ANGELA RODRÍGUEZ PIÑÓN (BALONCESTO)

Xogadora dos 3 clubes que tivo A Coruña en División de Honra. (Medina, Tabacalera e Autopistas Compañía de María).

· Mellor Xogadora Provincial. Temporada 1984/85.

Adestradora Autopistas División de Honra Feminina.

Adestradora "Programa Infantil Feminino". FEB. 1.991/92

Mellor Deportista Galega. Temporada 1993

Medalla de Ouro, Campeona de Europa coa Selección Española Absoluta. Perugia (Italia). 1.993.

Medalla de Prata, Campeona de Europa coa Selección Española Junior. Bulgaria. 1.994

Adestradora Selección Senior Promesas. Biescas. (Huesca). 1.995.


· MARI CARMEN RUBIO (HOCKEi HERBA E SALA)

· Xogadora-porteira do Santa Lucía de hockei herba e sala.

· 5 veces campeona de España

· 3 veces subcampeona

· Seleccionadora galega sub-18 masculina

· Seleccionadora galega sub-16 feminina

· Adestradora do Hércules e Adaxe masculino e feminino


· LIS FRANCO (FÚTBOL E FÚTBOL SALA)

· Xogadora e máxima goleadora do Karbo Deportivo

· 5 veces Campeona de España

· Internacional Absoluta

· Seleccionadora galega de fútbol sala feminino

· Campeona da Copa da Raíñaa de fútbol sala feminino

· Xornalista deportiva


· ANGELES BARREIRO (ATLETISMO-LANZADORA)

· Campeona de España de lanzamento de disco entre os anos 1982 e 1993 ininterrumpidamente

· En 1992 logra a que aínda hoxe é a mellor marca española, 60.56 metros.

· Mundialista en Tokio 91

· Olímpica en Barcelona 92

· Participou en 8 Xogos Iberoamericanos

· 40 veces internacional absoluta


· MARIA VIEITES (BALONMÁN)

· Xogadora do Medina provincial 71-74

· Xogadora do Medina Nacional de División de Honra de 1974 a 1982

· Xogadora do Oar Ciudad de División de Honra 82-83

· Mellor xogadora provincial os anos 76 e 77

· Ouro nos Xogos do Cantábrico

· 10 veces internacional absoluta