FOTO DE ESQUERDA A DEREITA: Soledad Pite, Emilia Salgueiro; Cruz Pérez Rubido, Margarida Vázquez, Yolanda Ferrer, Julia Ares, Dorda, Jose Luis Rey, Fina Mantiñan, Josefina Cerviño, Carmen Senande, Anne Heyvaert , Maria Xose Bravo, Soledad Penalta, Luisa Valdes e Aurichu.

Onte inaugurouse a esposición MulleresxMulleres, exposición colectiva que conta coas pezas que dezasete artistas realizaron para lembrar e recuperar a memoria doutras tantas mulleres protagonistas da nosa historia. Estará ata o 25 de marzo na Casa da Cultura Salvador de Madariaga. Esta exposición organizouse pola Concellaría de Cultura atendendo á próxima celebración do 8 de marzo, día internacional das mulleres. Para tal fin, a presentación contou coa presenza de María Xosé Bravo, responsable de cultura do Concello da Coruña, e Margarida Vázquez Veras, responsable do departamento de Igualdade e Participación Cidadá. Por parte de Servizos Sociais, destacar a asistencia de Silvia Longueira.

Temos que destacar o impresionante traballo de Jose Luis Rey en canto ao deseño desta exposición, destacando o uso duns veos que acotan os espazos independentes de cada obra mais permiten, a un tempo, integralas unhas coas outras. Este será tamén o responsable do deseño da exposición "Visibilidade", organizada pola Concellaría de Igualdade e Participación Cidadá, que se inaugurará o próximo 8 de marzo ás 19:30 horas na sala de exposicións de María Pita. Estamos xa impacientes!!!!!

Deixámosvos aquí unhas fotos do acto inaugural que vivimos onte.

Fotos e vídeos da terceira edición de Mercanatura

Podemos comezar dicindo que o tempo non acompañou, como estaba xa advertido, mais os ánimos das persoas que prepararon con tanto mimo esta cita tampuco decaeu. Parabéns á Asociación e, sobre todo, a Fernando e Esther.

Non vos perdades esta reportaxe gráfica con vídeos incluídos. Teremos baile coreografiado, visitas oficiais de representantes municipais -Losada, Tello, Margarida e Lareo- e dous pallasos moi particulares!!!!!

A comparsa do barrio sae do Centro Cívico e comeza a colocarse de cara á súa actuación.

Organizando.....

Quique Tello, Primeiro Tenente de Alcalde, e Margarida Vázquez, Concelleira de Igualdade e Participación, observan atentamente os movementos previos da comparsa. Vai frío e ameaza chuvia.

O esperado desfile. Michael Jackson in memoriam......

O fotógrafo "oficial" da Asociación de Veciños saca toda a súa artillería. Un indio, un punki e un bucaneiro andan á espreita.

Os soportais abarrotados pola chuvia. O Alcalde, xunto con Esteban Lareo, atópase con Quique Tello e Margarida. Unha pallasa moi especial adícanos un baile.



Os responsables de todo isto, Fernando e Esther, esteban moi contentos.

Sae a primeira tanda de filloas solidarias preparada polos alumnos da Escola de Hostelería San Juan, da Coruña. Estaban ben boas.

En definitiva, que todo estivo moi ben. A segunte ocasión esperemos contar con mellor climatoloxía. Xa para daquela estará próxima a primavera. Ah...e probamos o polbo na carpa da "Pulpeira de Melide"!

Impacto nos medios de comunicación da edición de Mercanatura que se celebrará mañá nos Rosales

Reproducimos aquí os enlaces relativos aos medios de comunicación onde atopamos información relativa á terceira edición de Mercanatura, que se celebrará mañá sábado a partir das 10:30. Esperamos vervos por alí!!!!

Voz de Galicia

Xornal de Galicia

Opinión de A Coruña

Terceira edición de Mercanatura

A Concellaría de Igualdade e Participación Cidadá e a Asociación de Veciños dos Rosales presentan unha edición máis, a terceira xa, da Feira de produtos ecolóxicos e naturais Mercanatura, que se celebrará este sábado 20 de 10:30 a 15:00 horas nas proximidades da Praza Elíptica. Esta edición estará capitalizada polas celebracións de entroido que estamos a celebrar estes días na nosa cidade e comarca.

Para tal fin, achegamos o programa que está previsto desenvolver ao longo desa mañá.

Programación:

10.30 h.: apertura de Mercanatura.

11.00 h.: Obradoiros de disfraces e maquillaxe. (Trataríase de axudar aos nenos a confeccionar disfraces de froitas, verduras e animais a partir de bolsas plásticas, cartulinas e papeis de cores, así como de maquillalos adecuadamente).

12.00 h: apertura do stand de venda da “Filloa Solidaria” (cuxos beneficios van destinados aos damnificados do terremoto de Haití), a cargo de alumnos da Escola de Hostelería San Javier, da Coruña.

12.00 h.: concentración das comparsas na entrada da Praza Elíptica e inicio do desfile pola r/ Manuel Azaña ata a r/ Rodríguez Castelao (e volta á Praza Elíptica).

13.00 h.: rota do tapeo carnavaleiro e verbena amenizada polo Dúo Café.

15.00 h.: clausura de Mercanatura e da festa.

Nota: de contar cunha climatoloxía propicia todos os actos festivos terían lugar na Praza Elíptica. De no ser así, pasarían a celebrarse no Centro Cívico.

Temos que sinalar o agradecemento dos organizadores á Escola de Hostelería San Javier por ter "cedido" dous alumnos para a realización das filloas solidarias de cara a paliar, na medida do posible, as necesidades das persoas damnificadas polo desastre de Haití.

Aula de cata da Escola de Hostelería San Javier

Unha das candidaturas á Xunta Directiva do Colexio de Avogados da Coruña está formada integramente por mulleres

Tal e como adiantou onte o Ideal Gallego, de entre as tres candidaturas presentadas para as eleccións á Xunta Directiva do Colexio de Avogados da Coruña, onde se inclúe a elección do Decanato, unha delas estaría formada única e exclusivamente por mulleres. Reproducimos un extracto da noticia onde se explica o por qué desta casuística:

"En femenino > Por su parte, las integrantes de “El hall del juzgado” cuentan con una baza añadida, la de ser la primera candidatura íntegramente femenina. “Nos vemos como un motor que necesita la abogacía. Gente nueva, proyectos nuevos, motivaciones nuevas...”, adelanta la candidata a decana.

Como admite Novoa, cuando comenzaron a perfilar su proyecto, el equipo estaba abierto a todo tipo de apoyos, pero resultaron ser las mujeres las únicas que se decidieron a “tirarse a la piscina”, si bien intentan representar a todos los profesionales del ente".

As eleccións serán o próximo día 10 de marzo, data moi próxima á celebración do 8 de marzo, día internacional das mulleres.

Agardamos, en todo caso, que o resultado destas eleccións sexa o mellor para o funcionamento deste Ilustre Colexio.

Fotos da visita ao Centro Cívico e Social e á Polideportiva de Novomesoiro

Como xa vos adiantamos, Quique Tello, Margarida Vázquez e Xan M. Caxigal visitaron as obras do Centro Cívico e Social de Mesoiro e a Polideportiva, impulsadas polas respectivas Concellarías de Igualdade e Participación e Deportes.

No Salón de Actos, Exposicións e Actividades improvisouse unha rolda de prensa onde se falou destas infraestruturas, do barrio e doutros temas de interese cidadán que protagonizan estes días as portadas dos diversos medios: Consorcio das Mariñas, PXOUM ou Torre de Hércules, entre outros.

Recibidor e Patio exterior

Módulo corredeiro que separa o recibidor e o Salón de Actos

Sala de Lectura. Esta Sala conta con acceso exterior independente.

Ludoteca infantil. Do mesmo xeito que a Sala de Lectura, conta cun acceso exterior que dá directamente ao Patio.

Aseos para as nenas da Ludoteca. Totalmente adaptados.

Aseos para os nenos.

Salón de Actos, Exposicións e Actividades. Pode abrirse totalmente ao recibidor.

Acceso interno á Sala dobre Polivalente e á Sala de Lectura (á dereita). Á esquerda, acceso aos aseos de adultos, camerinos, almacén e escenario do Salón de Actos.

Conserxería do Centro. Está pensada para funcionar como Rexistro para determinados trámites.

De esqueda a dereita, Margarida Vázquez, Quique Tello e Xan M. Caxigal dispóñense a atender aos numerosos medios presentes.

A continuación, desprazámonos ao cercano Polideportivo, que está previsto finalice en mes e medio. Alí, Xan M. Caxigal, Concelleiro de Deportes, ensinounos os diferentes equipamentos que alí se contemplan.

Pista polideportiva e vestiarios (esquerda).

Aulas para actividades.

Impresionante gradería. Só falta o público.....

Vista do val desde o acceso principal. O aproveitamento da luminosidade natural, como no caso do Centro Cívico e Social, é indispensable neste tipo de edificios.

Xan M. Caxigal e Quique Tello co Xefe de Obra.

Graderío, Pista e entrada frontal de luz.

Vestiarios.

Os acabados da Polideportiva son espectaculares.

Aquí apréciase perfectamente o impacto do edificio no contorno.

Quique Tello, Margarida Vázquez e Xan Caxigal visitarán Novomesoiro mañá ás 11:00

Mañá mércores, ás 11:00 horas, o Primeiro Tenente de Alcalde, Quique Tello, a Concelleira de Igualdade e Participación Cidadá, Margarida Vázquez, e o Concelleiro de Deportes, Xan M. Caxigal, visitarán as diferentes obras impulsadas desde os departamentos de Participación e Deportes con cargo aos fondos FEIL do pasado ano. En concreto, trátase do Centro Cívico e Social de Mesoiro, do que xa vos adiantamos unha foto ao comezo desta entrada, e o Polideportivo impulsado pola Concellaría de Deportes. Dúas obras, efectivamente, reclamadas e consensuadas coas veciñas e veciños deste xoven barrio coruñés.

A visita iniciarase ás 11:00 horas no Centro Cívico e Social, xa rematado e en período de preparación e inicio de actividades, para logo dirixirse ao Polideportivo que se ubica na mesma Avenida dos Ancares.

Desde logo, dúas novas infraestruturas que colmarán os desexos das veciñas e veciños do barrio....e especialmente dos máis novos.

Que os desfrutedes.

Comezan os obradoiros nos Centros Cívicos para a difusión do Banco de Tempo

A concellaría de Igualdade e Participación Cidadá, que dirixa Margarida Vázquez Veras, comeza en diferentes Centros Cívicos da rede municipal coruñesa unha campaña de difusión do Banco de Tempo da cidade da Coruña, ao tempo que de captación de posibles usuarios e usuarias.

Durante estas charlas, de importante compoñente práctico, as persoas interesadas poderán coñecer en profundidade en qué consiste este servizo, incluído dentro do programa "Concilia os teus tempos" -no que se inclúe o Servizo de atención á infancia- que está a desenvolver a Concellaría, así como as modalidades de prestación e as casuísticas que se contemplan.

O calendario xa acordado, pendente de pechar en varios dos Centros Cívicos, é o seguinte:

Centro Cívico Municipal del Castrillón

09/02/2010

18:00 h.

Centro Cívico Municipal dos Mallos

18/02/2010

19:00 h

Centro Cívico Municipal de Rosales

22/02/2010

18:00 h.

Centro Cívico Municipal de Monte Alto

23/02/2010

17:30 h.

Centro Cívico Municipal de Monelos

24/02/2010

18:00 h.

Centro Cívico Municipal de Artesáns

25/02/2010

19:00 h.

Centro Cívico Municipal de Elviña

01/03/2010

17:00 h.

Centro de Orientación Familiar

16/03/2010

10:00 h.

Centro Cívico Municipal San Diego

17/03/2010

18:00 h.

Falta, entón, por confirmar Labañou, Palavea e o que poida ir xurdindo, segundo a demanda.

Para máis información, non dubidedes en chamar ao 981 184 356 (CIM-Centro Municipal da Muller)

Exposición "Mulleres, espello de culturas"

O próximo mércores, 3 de febreiro, inaugúrase no Quiosco Alfonso da Coruña, contra as 13:00 horas, a interesantísima exposición "Mulleres, espello de culturas", organizada polo Concello da Coruña e a Fundación "La Caixa", unha mostra etnográfica sobre o universo feminino a través de 135 obxectos de todo o mundo. Esta inauguración correrá a cargo de Margarida Vázquez, concelleira de Igualdade e Participación Cidadá, e María Xosé Bravo, concelleira de Cultura.

Esta exposición traza un percorrido a través dunha selección de atractivas pezas -cedidas polo Museo Etnolóxico de Múnic- que adquiren nova vida como testemuños das mulleres que un día foron as súas usuarias. Cada unha das 135 pezas que compoñen a mostra -desde fotografías e esculturas até obxectos diversos, como vestidos ou xoias- é un fragmento de vida, aparentemente exótico e afastado, pero que permite abordar temas universais e compartidos por todas as mulleres do mundo.

A colección procede de sete culturas de África, Asia e América amazónica e setentrional, e permítenos, ao mesmo tempo, coñecer outras culturas e reflexionar sobre a nosa propia realidade familiar, social e espiritual. A mostra, organizada pola Obra Social "La Caixa" coa colaboración do Museo Etnolóxico de Múnic, e que despois do seu paso por CaixaForum Lleida se presenta na Coruña, divídese en tres ámbitos, cada un dos cales recolle varios temas comúns ás mulleres de todos os tempos e espazos, como a familia, o papel da muller na sociedade e a divindade feminina.

No mundo hai infinitos modelos de familia mais, en case todos, a muller tivo un papel primordial como nai, esposa, depositaria da tradición ou responsable da economía doméstica. Así, a exposición exemplifica o rol feminino, en diferentes xeografías e épocas, en relación coa maternidade, o matrimonio ou a división do traballo.

Mulleres, espello de culturas tamén se detén nas consecuencias sociais do feito de ser muller en distintas sociedades, con temas universais como a identidade da muller dentro do grupo, a súa capacidade de decidir sobre o seu propio destino ou a idealización da beleza feminina.